Utanbygds barn på barnehagetur i Kvam fall ut vindauga
Eit barnehagebarn vart floge til sjukehus etter ei ulykke i Kvam i Vestland. Bergens Tidende skriv at barnet er alvorleg skadd.
Publisert
Sist oppdatert
– Basert på førebelse undersøkingar på staden verkar det som om barnet har falle frå eit vindauge og vart funne på utsida av bygget, skriv operasjonsleiar Bjarte Rebnord i Vest politidistrikt i Politiloggen.
Barnet er floge til Haukeland universitetssjukehus, og politiet har gjort tekniske undersøkingar på staden og snakka med involverte.
Annonse
Tysdag ettermiddag skriv Bergens Tidende at barnet er alvorleg skadd. Ifylgje avisa, som siterer leiaren i føretaket som driv barnehagen, var 17 born og fem vaksne frå ein barnehage i ein av kommunane kring Bergen med på ein årleg avslutningstur med overnatting. Alle foreldra i barnehagen er informerte om hendinga, ifylgje avisa.
Overfor Bergensavisen ville politiet tysdag ettermiddag ikkje seia noko om kor kva høgd barnet fall frå eller kven som fann det. Det er stadfesta at bygget ikkje var ein barnehage.
Politiet fekk melding om ulukka like før klokka 9 tysdag morgon.
Ordførar Torgeir Næss i Kvam herad seier til HF at det kommunale kriseteamet er kopla inn og hjelper til.
Annonse
BA siterer leiaren i føretaket som driv barnehagen på at alle tilsette er prega av ulukka. Fyrsteprioritet er å ta vare på barnet, føresette og tilsette som var med på turen, seier han til avisa.
