Brannvesenet rykte sundag kveld ut til brann i ei campingvogn med spikartelt på Kvamskogen. Klokka 21.41 melde 110 Vest at brannsløkking var sett i gang.
Vona var å kjøla ei nabovogn ned slik at brannen ikkje skulle spreia seg til henne. Klokka 22.00 var siste nytt at flammane var slegne ned og grannevogna var berga, men at brannvesenet enno ikkje hadde kontroll på brannen. 22.17 vart det meldt av brannen var sløkt.
Annonse
Også politiet rykte ut. Ifylgje Vest politidistrikt er det ikkje kome meldingar om folk i vognene.
110 Vest melde fyrst at det brann i to campingvogner. Dette viste seg å vera feil. Red.
