Politiet rykte tysdag ettermiddag ut etter melding om ei trafikkulukke på Strandebarmvegen ved Børsheim i Kvam herad.
Politiet fekk meldinga klokka 16.51. Meldaren hadde observert store skadar på autovernet og bildelar som låg att på staden, men ingen bil.
Annonse
Ifylgje Vest politidistrikt hadde ingen sett sjølve ulukka, og politiet hadde førebels ikkje kome i kontakt med nokon involverte.
Politiet opplyste i Politiloggen klokka 17.06 at dei rykte ut for å gjera undersøkingar. Klokka 18.35 melde politiet at søket etter innblanda var resultatlaust, men at det vert oppretta sak.
