Øystese sikra seg avansement i fotballturneringa med namnet Ballspark-cupen etter kampen mot Fyllingen på Øystese stadion måndag kveld. Oppgjeret enda 4–4, før heimelaget vann straffesparktevlinga og dimed kampen 8–6.
Fyllingen tok leiinga etter berre tre minutt, men Are Tvedterås Fagervik utlikna etter 20 minutt. Gjestene gjekk opp til 2–1, før David Campher sytte for 2–2 til pause.
Annonse
Øyvind Aarhus Engesæth sende Øystese i leiinga 3–2 etter 34 minutt, men Fyllingen utlikna i det 47. minuttet. Sjølvaste Erik Huseklepp gav gjestene 4–3 på overtid i det 62. minuttet, før Anders Botnen utlikna nær sagt i siste sekund.
Dermed måtte kampen avgjerast frå straffemerket. Der trekte Øystese det lengste strået og sikra seg plass i semifinalen.
Kampen vart strøymd av cupsponsor Bergens Tidende, som nytta ein monaleg del av sendeflata si til å dramatisera at lyset gjekk før 2. omgang.
