A-lagsherrane i Øystese tok seg tysdag kveld vidare i Ballspark-cupen.
Allereie før kampen hadde byrja, leia vertane 1–0 mot Østsiden Askøy. Årsaka er at Øystese i tråd med reglane fekk eit straffespark som kompensasjon for at gjestene spelar på eitt nivå høgare, nemleg i 5. divisjon.
Annonse
Som i opprykkskampen i helga tok Alexander Dang tidleg ansvar og ekspederte straffesparket i mål. Seinare supplerte Isak Østerbø Fimland og Øyvind Aarhus Engesæth med kvar sitt mål i den ein time lange kampen.
Det er enno ikkje klart kven kvemmingane møter i neste runde. Premien for å vinna turneringa, som er for lag i 4.–7. divisjon, er 25 000 kroner og deltaking i NM-kvalifisering neste år.
