– Lakserømming i Ålvik

Laks skal ha rømt frå Lingalaks-anlegget ved Tveitnes i Ålvik.

HF har fått fleire tips om saka dei siste dagane.

I ei pressemelding opplyser selskapet at det er fanga 31 laksar i gjenfangstgarn fredag og laurdag.

Årsaka til rømminga er ei rift i ei not som skal ha vorte lukka raskt. Selskapet skal ikkje vita kor mykje fisk som er på rømmen.

Rømminga er ei av fleire i regionen i det siste. Fiskeridirektoratet har varsla tilsyn med anlegga komande veke for å finna ut kva som har skjedd.