Vegvesenet prioriterer Vestland

Vestland kan få inntil 70 prosent av riksvegmidlane fram mot 2027, dersom Statens vegvesen får gjennomslag for forslaga sine.

I ei ny liste frå Statens vegvesen, kjem dei med innspel til korleis dei vil prioritere dei forskjellige riksvegprosjekta, viss staten held fram med løyvingsnivået dei har i dag. Statens vegvesen vil løyve heile 70 prosent av potten til nye riksvegar i Noreg til gigantprosjektet Hordfast mellom Bergen og Stavanger, skriv NRK.

E39-prosjektet vil koste 19,3 milliardar statlege kroner, i tillegg kjem det 17,4 milliardar i bompengar. 6,5 milliardar kroner skal gå til E6 Oslo aust, 1,4 milliardar kroner til kryssing av Glomma på riksveg 22 og 440 millionar kroner til Holmenbrua på riksveg 282.

Om staten aukar løyvingane til riksvegane, vil dei også gje pengar til seks andre prosjekt på til saman 14 milliardar kroner. Då vil bruprosjektet Hordfast stå for like under 50 prosent av den totale riksvegpotten.

(©NPK)