Vegvesenet ønskjer at vogntog og bubilar skal køyra sist ut av ferjer
Statens vegvesen vil at ferjeselskap held igjen vogntog og bubilar og slepper dei minste køyretøya av først for å skapa eit mest mogleg trygt trafikkbilete.
Så langt i år har 63 personar omkome i trafikken, dobbelt så mange som i same periode i fjor.
I eit forsøk på å skapa færre trafikkfarlege situasjonar – og dermed bidra til å få ned talet på dødsulukker – ønskjer Statens vegvesen at vogntog og bubilar må venta med å køyra av ferjene til mindre køyretøy har køyrt av, skriv NRK.
Artikkelen held fram under annonsen.
– Det finst nokre episodar der dei største kjem av først og lagar ein liten propp. Det kan føra til farlege forbikøyringar, seier avdelingsdirektør Anders Sæternes i Vegvesenet.
Vegvesenet har ikkje statistikk på at det har vore ulykker knytte til dette i år, men har likevel tru på at det kan hjelpa.
– Me prøver å laga eit rolegare trafikkbilete, seier han.
(©NPK)
