Eit vogntog glei på snøføret og hamna på tvers av fylkesveg 49 i svingane ved Nybø, opp mot Tokagjelet, sundag kveld. Vegen vart difor stengd. Ingen vart skadd.
Statens vegvesen melde om vegstenginga, og HF fekk fleire meldingar om hendinga frå privatpersonar. Meldinga om henne kom klokka 22.54.
Annonse
Ifylgje den gjeldande vegmeldinga klokka 23.24 kunne vegen verta stengd heilt til klokka 02.
Operasjonsleiar Tore A. Brakstad i Vest politidistrikt opplyser til HF at tungbilbergar vart tinga, men bilen var nokre timars køyring frå staden. Han var klokka 00.30 venta å kunna vera framme kring klokka 01.30.
Politiet rykte etter kvart ut for å hjelpa til og sjå om det var mogeleg å få personbilar forbi vogntoget. Det skulle mogelegvis gå an ved å ta grøfta i bruk, ifylgje meldingane.
