Tyskarar køyrde i fjellveggen
Klokka 16.44 fredag vart det meldt om ei trafikkulukke ved Kleven på Kvamskogen.
Publisert
Sist oppdatert
Ein bil køyrde i fjellveggen ved fylkesveg 49 på strekninga mellom Teigabergtunnelen og Jonshøgdi. Kollisjonsputene vart utløyste. Dei involverte personane var ved medvit etter ulukka, melde Vest politidistrikt i Politiloggen klokka 16.51.
Politiet var då på veg til staden. Trafikken vart dirigert forbi i eitt felt, etter kvart av tilsette i Kvam brann og redning, etter hendinga.
Annonse
Det var to personar i bilen. Dei fekk tilsyn av ein lækjar, og den eine hadde smerter etter hendinga, ifylgje politiet.
Dei to var tyske turistar. Føraren var ein mann i 60-åra, opplyser politiet.
Klokka 18.32 melde politiet at bilbergaren hadde fjerna bilen og at vegen var open for fri ferdsle.
