– Tre innblanda i front-mot-front-kollisjon
To bilar kolliderte front mot front i 80-sona på fylkesveg 550 mellom Jondal og Herand torsdag kveld.
Publisert
Sist oppdatert
Meldinga til politiet kom klokka 19, opplyste Vest politidistrikt i Politiloggen klokka 19.09.
I alt tre personar var innblanda. Alle skal ha vore oppegåande og utan personskadar etter hendinga, men det vart store skadar på bilane. Det er ikkje mogeleg å passera bilane, så vegen vart stengd etter ulukka, ifylgje ei seinare oppdatering frå politiet.
Annonse
I den eine bilen sat ein 18 år gamal mann. I den andre sat ein 19 år gamal mann og ein 16 år gamal gut. Alle vart frakta til sjukehuset i Odda i ambulanse.
Alle naudetatar rykte ut til staden. Bilbergar vart tinga og venta til staden om lag klokka 20.25. Ein av bilane vart liggjande på sida etter ulukka.
Politiet avslutta arbeidet på staden litt etter klokka 21.
