Mangla vatn sentralt i Kvam
Mange i Norheimsund og Øystese var utan vatn fredag føremiddag.
Publisert
Sist oppdatert
Årsaka var «uføresette hendingar», opplyste Kvam herad i ei tekstmelding til ibuarar fredag føremiddag.
– Me arbeider med å lokalisera og utbetra feilen, skreiv heradet.
Annonse
Seinare vart det varsla at ein lekkasje var funnen og at dei fleste, så nær som delar av Vavollen i Øystese, hadde fått vatnet att.
Kvam herad oppmodar ibuarar i råka område om å koka vatn til drikke og matlaging fram til svar på vassprøvar ligg føre, tidlegast sundag. Då vil det koma ei ny melding.
