Klokka 07.45 onsdag fekk politiet melding om at ein bil hadde køyrt i grøfta på fylkesveg 49 på Kvamskogen. Det melde Vest politidistrikt i Politiloggen klokka 07.54.
To personar var i bilen. Begge kom seg ut av bilen og vart frakta til legevakta av ein lege som kom til staden.
Annonse
Politi og ambulanse rykte ut til staden. Bilen stod utanfor vegen, og det var fri ferdsel etter ulukka. Det framstod ikkje som eit alvorleg uhell, melde politiet.
Klokka 09.20 melde politiet at patruljen har vore i kontakt med dei involverte på legevakta. Det er ikkje mistanke om køyring i rus. Bileigar har bestilt bilbergar, ifylgje politiloggen.
