To nye smittetilfelle i Kvam

Dermed er tre påvist smitta på to dagar.

Denne meldinga kjem frå Kvam herad torsdag kveld.

— Smitten er avdekt etter testing av nærkontaktar av den smitta frå i går. Smittesporinga har gått føre seg i heile dag, og har avdekt 30 nye nærkontaktar. Desse er sette i karantene, og i tillegg er mellom andre husstandsmedlemer av desse sette i ventekarantene, melder heradet.

Det er så langt ukjent kva virusvariant som har råka kvemmingane.