Tilrår Hesthamar som rådmann
Truleg vert Anita Hesthamar (45) ny rådmann i Kvam herad. Tilsetjingsutvalet tilrår i alle fall heradsstyret å tilsetja henne. Ho var ein kandidatane som var med i kampen heilt til eit telefonmøte i utvalet onsdag kveld. 12 hadde søkt og stått fram med namn.
Hesthamar har vore konstituert rådmann sidan nyttår, etter at Arild M. Steine slutta. Ho har vore stabs- og økonomisjef sidan 2012.
Tilsetjingsutvalet omfattar ordførar Jostein Ljones, varaordførar Heidi Sandven Botnen, gruppeleiar Herleif Tveit i Sp, gruppeleiar i Ap Borghild Storaas Ones, hovudtillitsvald Ragnhild Rykkje i Fagforbundet og hovudtillitsvald Vigdis Rykkje i Utdanningsforbundet. Mercuri Urval har vore konsulent for tilsetjingsutvalet.
Kvam heradsstyre skal vedtak tilsetjinga måndag.