Strammar inn eksamen for å hindre KI

Skriftleg eksamen i grunnskulen og på vidaregåande blir stramma inn for å hindre bruk av kunstig intelligens, mellom anna ved å stengje for internett og fjerne førebuingsdel.

Tiltaka gjeld årets eksamensperiode og er del av ei større innstramming for å sikre rettferdig vurdering, opplyser Utdanningsdirektoratet.

4. mai startar skriftleg eksamen for 280.000 kandidatar. Totalt skal det gjennomførast 600 eksamenar på tre veker, fordelt på 1700 eksamenslokale.

Utdanningsdirektoratet viser til at kunstig intelligens har skapt nye utfordringar, og at eksamen difor blir gjennomført utan internett og med sterkt avgrensa hjelpemiddel. Rundt 18.000 kandidatar skal bruke sikker nettlesar som låser datamaskina og fjernar tilgang til andre program.

(©NPK)