Steinras i Øystese
Fredag ettermiddag rasa fleire store og mange mindre steinar frå ei skråning ned i ein privat hage ovanfor Torpevegen i Øystese.
Ein av steinane har flytta seg mange tital meter og landa like ved ein stikkveg mellom fleire bustader. Ein nabo fortel at ho høyrde lyden av ein stige som vart treft av steinen. Ingen personar er skadd.
Artikkelen held fram under annonsen.
Politiet, brann- og redningstenesta og kommunegeologen, teknisk sjef og driftsleiar for veg og anlegg i Kvam herad rykte ut til rasstaden. Evakuering vert vurdert fortløpande, skriv 110 Hordaland på Twitter.
Kommunegeolog Tore Dolvik skriv til HF at ein fredag konkluderte med at det kan rasa meir ut frå det same området. Politiet sperra difor uteområdet som eit eventuelt nytt ras kan nå.
Kvam herad ser i utgangspunktet skredhendinga som ei sak mellom grunneigarar og forsikringsføretak.
