Statsministeren jaktar på julekortmotiv på Vestlandet
Statsministeren sender kvart år julekort til svært mange menneske. No er tida kommen for konkurransen for å finne fram til kva som skal vere motivet på julekortet 2020 – som denne gongen må vere frå Vestland fylke.
Dei siste åra har motivet på julekortet vore frå Akershus, Oslo, Nord-Trøndelag, Vest-Agder og Hordaland. Statsministeren har i år trekt lodd blant dei 11 fylka vi har hatt sidan januar 2020, og resultatet er at årets julekortmotiv skal vere frå Vestland fylke.
Du kan sende inn ditt favoritt-vintermotiv frå Vestland innan 11. oktober.
Artikkelen held fram under annonsen.
Vinnaren vil få tilbod om at hans eller hennar bilete blir motiv for julekortet til statsministeren i år. I juryen sit statsministeren sjølv, representantar frå Statsministerens kontor og ein fotograf. Vinnarbiletet vert kåra basert på skjønn.
Vinnaren vil bli kreditert med namn, og vil få ein pengepremie tilsvarande frilanssatsen til Norsk Journalistlag.
