– Skremmande få har hatt brannøving heime
Ei spørjeundersøking viser at berre 15 prosent av nordmenn har gjennomført ei brannøving heime det siste året.
Branningeniør og leiar av NITO i Møre og Romsdal, Knut Eystein Ekroll, meiner det er skremmande at så få gjennomfører brannøving i heimen. Undersøkinga er gjort av Norstat på vegner av NITO, Noregs ingeniør og teknologiorganisasjon.
– Desember er månaden med fleset husbrannar. Vi kan ikkje understreke nok kor viktig det er med fungerande røykvarslarar, at alle kjenner til rømmingsvegar og det å ha brannøving heime for å vere førebudd på kva ein skal gjere ved ein eventuell brann, seier Ekroll i ei pressemelding.
Artikkelen held fram under annonsen.
Her er råda hans:
• Ikkje gløym brannvarslaren – han må verke.
• Køyr brannøving og avtal ein fast møteplass.
• Vit kvar du har brannsløkkingsapparata og korleis dei fungerer.
• Ikkje fikle med gamle lyslenkjer og adventsstakar – kast og kjøp nytt.
• Når julepynten og lysa skal på plass, så sjekk at skøyteleidningar og materiell er godkjende for utebruk.
• Matlaging er viktigaste årsaka til brann i bustad – hugs at matlaging og inntak av alkohol er ein dårleg kombinasjon.
• Kontroll at utstyret, brannteppe, brannsløkkingsapparat og slikt, er i orden. Hugs at brannsløkkingsapparat og brannslange også kan nyttast til å sløkkje brann i elektriske installasjonar, sidan reint vatn ikkje leier straum.
Artikkelen held fram under annonsen.
(©NPK)
