Skadd då vaier rauk i båt
Éin mann vart skadd i ei arbeidsulukke på ein taubåt i Hardanger. Hendinga er meld til Arbeidstilsynet.
Publisert
Sist oppdatert
Meldinga om ulukka kom klokka 13.58 torsdag, opplyste operasjonsleiar Knut Dahl-Michelsen i Vest politidistrikt i ei melding til pressa klokka 14.48.
Båten hadde då lagt til kai i Jondal.
Annonse
Mannen var vaken og medviten etter hendinga, men skal ha vore utan medvit. Skadeomfanget var ukjent.
Luftambulansen og politiet rykte ut til staden. Pasienten fekk behandling. Hendingsforløpet var uklart, og politiet gjekk i gang med å gjera undersøkingar.
I ettertid opplyser politiet at mannskapet på båten skulle byta ei bøye. Då ho vart heist opp på dekk, rauk ein vaier, og bøya trefte mannen på dekk. Arbeidstilsynet er rutinemessig varsla om hendinga.
