Ifølgje Bergens tidende skal personen ha omkome i samband med opptrekk av ein båt. Personen vart erklært død på staden. Naudetatane fekk melding om hendinga klokka 19.55. Ingen andre vart skadde. Ein annan person var til stades då ulukka henda. Politiet ynskjer ikkje å offentleggjera kjønn, alder og namn på den døde av di ikkje alle pårørande er varsla enno, skriv operasjonsleiar Stein Rune Øyjordsbakken Halleraker i Vest politidistrikt i ei pressemelding. Årsaka til ulukka er uviss. Politiet arbeider på staden. Kvinnherad lensmanndistrikt etterforskar hendinga, ifølgje pressemeldinga. Jondal kommune har sett i sving kriseteamet, opplyser politiet.
