Omikron er stadfesta i Kvam
Fire nye covid-19-tilfelle dukka opp fredag, og omikronvarianten er påvist.
Det melder Kvam herad i dagens oppdatering fredag kveld.
Mellom anna eitt barn i Norheimsund barnehage og eitt på Norheimsund skule er smitta. Difor må elevane på 6. trinn få digital undervising måndag og tysdag. To avdelingar i barnehagen vert stengde.
Artikkelen held fram under annonsen.
I tillegg har to fått positivt svar på snøggtestar. Eitt av tilfella er knytt til 8. trinn på Kvam ungdomsskule, som vart råka av smitte tidlegare i veka og får undervising på nettet.
Eitt av dei nye tilfella vert kopla til det tidlegare tilfellet som no er påvist utløyst av omikronvarianten. Kvam herad mistenkjer ikkje at viruset har nådd skular eller barnehagar enno.
