No blir det strengare dronereglar
Berre 6.000 av 400.000 droneeigarar er registrerte. Frå nyttår kan det bli straffbart å fly drone uregistrert.
Frå nyttår må alle dronepilotar som har ein drone med kamera eller ein som er tyngre enn 250 gram, registrere seg, skriv NRK.
Medan ein tidlegare skilde mellom hobbybruk og næringsbruk av dronar, gjeld plikt om registrering no for alle.
Artikkelen held fram under annonsen.
Luftfartstilsynet vil sjå til at alle følger reglane.
– Vi følger opp operatørane gjennom tilsyn etter ein modell vi kallar risikobasert tilsyn. Våre inspektørar kan gjere både melde og umelde tilsyn. I open kategori skal regelverket handhevast av politiet, seier Arild Mortensen, rådgivar for ubemanna luftfart i Luftfartstilsynet, til NRK.
Mortensen fortel at i 2020 har dei fått inn om lag 120 bekymringsmeldingar, ein auke på 43 frå i fjor. Det er registrert to ulykker.
