— Lengjer ikkje tiltaka
Ullensvangarane får koronatiltak som dei fleste andre i Noreg frå og med tysdag 20. april.
Kriseleiinga melder torsdag at det ikkje er grunnlag for å vidareføra den lokale forskrifta, som kommunestyret 12. april lengde til og med 19. april. Dermed gjeld nasjonale tiltak og råd frå og med tysdag.
— Dei lokale tiltaka ser ut til å ha hatt god effekt, opplyser kommunen, som ikkje fekk nye positive koronatestsvar torsdag.
Artikkelen held fram under annonsen.
86 sit framleis i karantene og 15 i isolasjon. I alt er 48 smitta i utbrotet.
Dette inneber at grunnskulane og barnehagane driv på gult smittevernnivå frå og med tysdag. Munnbindpåbodet er oppheva, men folk vert oppmoda om å bruka munnbind når ein ikkje kan halda ein avstand på éin meter.
