Fann sakna gut i jondalsfjella
Ein sju år gamal gut kom bort frå familien i nærleiken av Dravladalsvatnet i Jondal sundag ettermiddag.
Guten forsvann i samband med ein fjelltur. Frivillige krefter og eit redningshelikopter vart sette i sving med å søkja etter han, opplyste Vest politidistrikt klokka 17.35.
Guten vart raskt funnen og aksjonen avblåsen, melde politiet 22 minutt seinare. Ifylgje Bergens Tidende var det brann- og redningstenesta som fann guten, som skal ha gått i førevegen og vorte borte.
Artikkelen held fram under annonsen.
Dravladalsvatnet ligg nær Fonnavegen og nord for Nordfonna.
