Varaordførar Frode Nygård (Frp) måler huslengda på Nygård til ære for fotografen. Han reknar med å gjera jobben på skikkeleg langfredag, ettersom han er ein av dei som har klaga på taksten og dermed må dokumentera feil om han skal ha håp om å få ny takst.
Sigbjørn Linga
Krev at skattytarane sjølve dokumenterer feil i taksten
Klagane på dei nye takstane har strøymt inn til Kvam herad dei siste vekene. Den ordinære klagefristen er fyrst 12. april.
Bunken med klagar har no vakse seg så stor at rådmann Anita Hesthamar ser seg nøydd til å ta grep. Handsaminga av klagane vil nemleg verta så omfattande at ho vil vera heilt uoverkomeleg for den sakkunnige nemnda som er ansvarleg for å fastsetja takstane.
For å redusera arbeidsmengda, varslar rådmannen allereie no at dei som vil ha eit reelt håp om å få taksten endra, sjølve må dokumentera kva som eventuelt er feil. Gjer dei ikkje det, må dei rekna med å få klagane avviste.