Kraftkommunar tener godt på straumkrisa

Dei høge straumprisane gjer at millionane strøymer inn til kraftkommunane.

Ifølgje ei oversikt frå NVE er Suldal i Rogaland den kommunen i Noreg som produserer mest straum. Kommunen forventar å selje konsesjonskraft for 50 millionar kroner i 2021. Det er nesten 46 millionar meir enn kva dei tente i 2020 , skriv Nationen.

Dei ekstra høge inntektene skuldast at kommunen sel kraft til spotpris, heller enn ein del andre kommunar som har langsiktige fastprisavtaler, forklarar ordførar i Suldal, Gerd Helen Bø (Sp).

Eidfjord i Vestland har berre 916 innbyggjarar, men ventar ei kraftinntekt på 12–13 millionar i 2013.

Nabokommunen Ullensvang forventar meir enn dobling i samla kraftinntekter i forhold til året før med ei prognose på 116 millionar kroner.

Arne Petter Fredriksen er økonomisjef i Sirdal kommune, ei av kraftkommunane som ventar nedgang i kraftinntektene frå tidlegare år. Han forklarar at nedgangen skuldast at mykje av krafta er seld på førehand.

(©NPK)