Klokka 07.45 onsdag fekk politiet melding om at ein bil hadde køyrt i grøfta på fylkesveg 49 på Kvamskogen. Det melde Vest politidistrikt i Politiloggen klokka 07.54.
To personar var i bilen. Begge kom seg ut av bilen og vart frakta til legevakta av ein lege som kom til staden.
Annonse
Politiet og ambulanse rykte ut til staden. Bilen stod utanfor vegen, og det var fri ferdsel etter ulukka. Det framstod ikkje som eit alvorleg uhell, melde politiet.
Klokka 09.20 melde politiet at patruljen hadde vore i kontakt med dei involverte på legevakta. Det var ikkje mistanke om køyring i rus. Bileigar hadde tinga bilbergar, ifylgje Politiloggen.
