Køyrde av fylkesveg i Kvam
Ein bil med to personar køyrde torsdag kveld av fylkesveg 48 ved Sagvika mellom Gravdal og Furhovda, heilt sør i Kvam herad.
Publisert
Sist oppdatert
Dei to vart frakta til sjukehus med uvisst skadeomfang, men båe var medvitne og tilsnakkande, melde politiet seint torsdag kveld.
Førarkortet til føraren vart kverrsett etter ulukka.
Annonse
Meldinga om ulukka kom klokka 21.06. Det melde operasjonsleiar Steinar Hausvik i Vest politidistrikt klokka 21.14.
Skadeomfanget var då ikkje kjent. 110 Vest melde at ingen skal ha sete fast i bilen etter utforkøyringa. Kollisjonsputene vart utløyste i ulukka.
Naudetatane rykte ut, ifylgje 110 Vest. Klokka 21.27 var brannvesenet kome til staden. Nokre minutt seinare var også ambulansetenesta på plass for å sjå til dei involverte. Klokka 21.42 hadde endåtil politiet nådd fram.
Bilbergar vart tinga, og klokka 22.42 var bilen fjerna.
