Køyrde av fylkesveg i Kvam
Ein bil med to personar køyrde torsdag kveld av fylkesveg 48 ved Sagvika mellom Gravdal og Furhovda, heilt sør i Kvam herad.
Publisert
Sist oppdatert
Meldinga om ulukka kom klokka 21.06. Det melde operasjonsleiar Steinar Hausvik i Vest politidistrikt klokka 21.14.
Naudetatane rykte ut til staden. Brannvesenet var framme klokka 21.27, og kort tid etter kom ambulansetenesta for å sjå til dei involverte. Politiet nådde fram klokka 21.42.
Annonse
Ifylgje 110 Vest sat ingen fast i bilen etter utforkøyringa, men kollisjonsputene vart utløyste. Begge vart frakta til sjukehus med uvisst skadeomfang, men var medvitne og tilsnakkande, opplyste politiet.
Politioverbetjent Per Gunnar Thrane ved Kvam politistasjon opplyser måndag at årsaka til utforkøyringa ikkje er kjend. Han fortel at det var både mørkt og kraftig regnvêr då ulukka hende. Dei to i bilen, to godt vaksne personar, melde om smerter i bryst og nakke.
Førarkortet til føraren vart kverrsett etter ulukka. Dette på grunn av uaktsamheit, ifylgje politiet.
Bilbergar vart tinga, og klokka 22.42 var bilen fjerna.
