Kolliderte på Omastrand

To bilar kolliderte på fylkesveg 576 på Omastrand fredag morgon. Det melde Vest politidistrikt i politiloggen klokka 09.18. 

Ifylgje operasjonsleiar Dan Erik Johannessen var dei involverte då vakne og ute av bilane, og naudetatane på veg. Meldinga kom til politiet like over klokka 9. 

Ifylgje Vegtrafikksentralen vest vart eitt køyrefelt stengt på staden. Ulukka skal ha skjedd ved Årsnes.

Klokka 10.48 melde politiet at bilane var fjerna. To personar var involverte i ulukka, og begge kom frå det utan skadar.

Ifylgje politioverbetjent Marita Flemmen Skogvoll ved Kvam politistasjon har politiet oppretta sak. Det er ikkje mistanke om rus. Ifylgje Skogvoll krasja bilane i samband med at den eine skulle køyra ut på hovudvegen.