Konteinar med aviser vart ståande att

Både HF og andre aviser kan utebli i postkassen i Ålvik, i Steinstø, på Rykkje og på Kjosås, pluss i postboksane, fredag.

Det opplyser distribusjonsansvarleg i Posten i Kvam, Andreas Sundsbø. Han fortel at ein konteinar vart oversett og dermed ståande att på terminalen i Bergen, der det har vore ein del omlegging i det siste.

Sundsbø seier at avisene skal ettersendast til Kvam i dag, og at dei tilsette i Posten vil gjera det dei kan for å få levert flest mogeleg aviser før helga. Dei som ikkje får avisene i dag, skal få dei måndag.

Annonsekonsulent Hilde Saxsæter i HF minner om at avisa kan lesast som e-avis av dei som registrerer seg som digitale abonnentar.

– Det er berre å ta kontakt med oss om du treng hjelp til dette, seier ho.