Inviterer alle til KFL-opning
Kvam herad inviterer innbyggarane til å vera med på den formelle opninga av Kvam familie- og læringssenter torsdag. Kunnskaps- og integreringsminister Jan Tore Sanner (H) skal stå for snorklippinga.
Norheimsund skulemusikk og elevar frå Norheimsund ungdomsskule skal bidra med kulturelle innslag, medan oppvekstsjef Astrid-Anett Steine, ordførar Jostein Ljones (Sp), prosjektleiar Tore Skeie og representantar for Kvam ungdomsråd og Lab entreprenør AS skal tala.