Innfører ikkje nye tiltak
Kvam herad vil ikkje innføra strengare koronatiltak.
Fredag føremiddag skreiv Kvam herad på nettsida si at heradet ville vurdera å innføra strengare koronatiltak.
Fredag ettermiddag skriv heradet at ein ikkje innfører tiltak utover dei nasjonale tiltaka.
Artikkelen held fram under annonsen.
Heradet rår likevel frå å gjennomføra arrangement med fleire enn 20 deltakarar, med mindre alle i publikum sit i fastmonterte sete og det er mogleg å følga generelle smittevernråd.
Heradet rår dessutan folk frå å besøka sjukeheimar og andre institusjonar.
Personar som er busette eller arbeider i kommunar der ein er pålagd heimekontor, vert bedne om å følga reglane.
Kriseleiinga i heradet skal møtast på nytt måndag. Då kan det vera aktuelt å innføra nye tiltak.
