Helse Fonna nedjusterer beredskapsnivået

Helse Fonna har i ein periode hatt høgare beredskap enn vanleg på grunn av fleire koronapasientar. No blir beredskapen nedjustert frå gult til grønt nivå.

Dermed blir aktiviteten på sjukehuset i føretaket auka igjen.

– Smittesituasjonen i distriktet vårt er under kontroll, takka vere god innsats frå innbyggjarar og kommunar. Talet på pasientar har stabilisert seg på eit lågare nivå, og det er derfor på tide å justere ned beredskapsnivået til grønt, seier administrerande direktør Olav Klausen i ei pressemelding.

Gult nivå vart innført 17. mars. På det meste var det innlagt tolv koronapasientar på sjukehuset i helseføretaket.

Helse Fonna administrerer sjukehus og institusjonar i Haugaland, Sunnhordland og delar av Hardanger.

(©NPK)