Hardangersider på ein av dei beste restaurantane i verda
Geranium i København er einaste restaurant i Danmark med tre Michelin-stjerner. No får dei Edel sider frå garden Åkre i Hardanger på menyen.
– Dette viser at vi har tyngd. Det å få spydspissane i restaurantbransjen på kundelista, er ein heider og stadfesting på jobben vi gjer, seier Arita Åkre til Bergens Tidende (BT).
Saman med ektemannen Gjermund Åkre produserer ho sider under varemerket Edel sider.
Artikkelen held fram under annonsen.
I første omgang er det to av siderprodukta deira som blir tilgjengeleg hos Geranium. Den tradisjonelle hardangersideren og issider. Båe produkt blir tilgjengelege hos restauranten no i vår.
(©NPK)
