Valland er ny bladstyrar i Avisa Hordaland
Guro Valland tek spranget frå Dagens Næringsliv i Oslo tilbake til heimbygda Voss for å ta over Avisa Hordaland.
Valland var i utgangspunktet på veg frå Dagens Næringsliv til NHST, som består av Fiskeribladet, Intrafish og Tekfisk. Der skulle ho starta som leiar for brukarmarknaden, strategi og forretningsutvikling.
– Då sjansen baud seg i Hordaland, var det umogleg å seie nei. Ei lokalavis som Hordaland inneheld alt du treng av gleder og utfordringar i mediebransjen. Eg er sikker på at det blir givande å vere her, seier Valland.
Artikkelen held fram under annonsen.
I DN jobba ho som redaksjonell innsiktsansvarleg og målgruppeleiar, erfaringar den nye bladstyraren reknar som viktig ballast i den nye jobben.
– Spesielt dette med å jobbe med målgrupper i journalistikken både redaksjonelt og kommersielt, har vist seg å vere smart. Her var DN tidleg framme. Til meir du veit om brukarane, til klokare blir prioriteringane. Målet er å vere relevante for lesarar og kundar, seier Guro Valland.
