Gult varsel for lyn på Vestlandet og Rogaland
Meteorologisk institutt har ferda ut gult farevarsel for torevêr med mykje lyn i Rogaland og på delar av Vestlandet frå tysdag formiddag til tysdag kveld.
Det er tilrådd at ein følgjer utviklinga av torevêret på yr.no/nb/kart/lyn og ta nødvendige forholdsreglar, melder NRK.
Faren skal ifølgje meteorologane auka frå klokka 11 og minka frå klokka 22.
Annonse
Meteorologane åtvarar om at lynnedslag kan føra til skadar på bygningar og infrastruktur. Det er òg fare for lokalt vanskelege køyreforhold på grunn av kraftig styrtregn som kan føra til overvatn på vegane.
Varselet åtvarar mot:
* Brannfare i bygningar og tørr vegetasjon.
* Moglege forstyrringar i straumforsyning og TV/internett.
Annonse
* Fare for skade på elektriske apparat som ikkje er fråkopla.
Meteorologisk institutt rår befolkninga til å unngå utandørsaktivitetar på utsette område som fjell, vatn eller ope landskap. Dei tilrår å søkja ly innandørs, men åtvarar mot å søkja ly under tre eller opphalda seg i vatn eller små båtar under torevêret.
(©NPK)
