Gjekk seg vill på fisketur

Ein mann vart meldt sakna på Mundheim torsdag kveld. Manne hadde gått for å fiska i Svidvatn i 16-tida. Då han ikkje var komen att etter klokka 23, vart politiet varsla, fortel politoverbetjent Andor Helgheim i Kvam og Samnanger lensmannsdistrikt.

Mannen var ikkje spesielt godt kjend og var relativt dårleg utstyrt. Politiet og mannskap frå Røde kors var på veg, og to lokale heltar reiste med firehjuling for å leita etter mannen. Leitemannskapa kunne snu då mannen kring midnatt kom seg til ei hytte, fekk mobildekning og varsla om at han var trygg. Han hadde gått seg vill på veg til Hatlesteinsvatnet.