Fylkesordføraren i Vestland stiller ikkje til attval
(NPK-NTB): Jon Askeland (62) tek ikkje attval som fylkesordførar i Vestland i 2027. – Nok er nok, seier han til Bergensavisen.
Senterpartipolitikaren har vore i rolla sidan samanslåinga av Hordaland og Sogn og Fjordane i 2020, skriv avisa.
Bakgrunnen for valet er eit løfte han har gitt kona.
Annonse
– Eg held avtalane mine, og denne avtalen var med Jorunn. To periodar på fylket var nok, det har vi vore samde om sidan førre val, seier han.
Askeland var ordførar i Radøy kommune mellom 2007 og 2019. No seier han seg ferdig med politikken.
– Dette er ikkje ein normal eller familievennleg livsførsel. Mengdene reising og møte er heilt enorme. Samtidig er det ei tid for alt.
(©NPK)
