Frukthausten kan bli den beste på elleve år
Prognosar frå fruktlagerinspektøren viser at det går mot ein god frukthaust med ei samla avling som kan bli den beste på minst elleve år.
Ifølgje Landbruksdirektoratets vekevise oppdatering ser det ikkje ut til at frostskadane som kom på epletre på Austlandet, vil gjere store utslag. Totalt blir det venta ei avling på opp mot 10.000 tonn eple.
Når det gjeld plommer, er dei første allereie venta å ha komme på marknaden. Prognosen frå fruktlagerinspektøren viser ein produksjon på om lag 2.100 tonn plommer i 2021, som i så fall vil bli den største avlinga på 11 år, rundt 140 tonn større enn rekordåret 2019.
Artikkelen held fram under annonsen.
Når det gjeld prognosane for pærer, viser dei ein produksjon tilnærma lik 2020.
– Fruktlagerinspektøren prognoserer at fruktavlinga i 2021 vil vere den største på minst 11 år, skriv direktoratet.
(©NPK)
