For dyrt for Posten å ta med post saman med aviserI

Frå 1. juli blir det berre postombering her i landet tre og to dagar i veka. Samtidig skal Posten halda fram med å dela ut aviser fem dagar i veka. Det blir likevel for dyrt å ta med post på dei same rutene, ifylgje samferdselsminister Knut Arild Hareide (KrF).

Det kjem fram i eit svar statsråden har sendt til Liv Signe Navarsete (Sp) på eit skriftleg spørsmål ho har stilt i Stortinget rundt omlegginga av postomdelinga.Navarsete stilte dette spørsmålet til samferdselsministeren: «Kva meiner samferdselsministeren om at Posten frå 1. juli 2020 annakvar dag skal køyra rundt og levera aviser utan å ta med annan post?»Hareide svarar at dette har med kostnader å gjera.– Grunnen til at vi ikkje lenger har dagleg postombering, er at dette er ei dyrare løysing enn kjøp av avisomdeling. Det som driv kostnadene i postnettet er talet på stopp i rutene. Avisbordrutene er lengre og har færre stopp enn dei ordinære postrutene, difor kan Posten omdela aviser billegare i avisruter enn i ordinære postbodruter, heiter det i svaret frå Hareide.I svaret sitt seier Hareide elles at han er svært glad for at ein har greidd å få til ei omdeling av aviser alle dagar i heile landet, sjølv om Posten ikkje lenger har krav på seg til å dela ut post kvar dag.– Eg trur dette er ei ordning som vil verka positivt for lokalavisene så vel som for dei store avisene, og som sikrar innbyggjarane dagsferske aviser kvar dag, skriv han.

NPK