Fleire ras i Norheimsund

Om lag klokka 11.00 fekk politiet melding om eit ras i Fjærabygda i Steinsdalen. Klokka 12.39 kom det melding om eit nytt ras i Sundsvik, skriv Vest politidistrikt på Twitter.

Kommunegeolog i Kvam herad i Kvam, Tore Dolvik, fortel at raset i Fjærabygda byrja som eit steinsprang ned i ein bekk. Dette førte til at bekken rann over og utløyste eit flaumskred. Faren for nye skred er så stor at det vart bestemt at eit hus like ved skulle evakuerast.

I Sundsvik fekk regnet jord i ei bratt skråning til å skli ned på ein garasje. Huset som høyrer til garasjen, er evakuert, medan bebuarane i eit hus ved sida av raset sjølve får bestemma om dei vil bu heime i natt, fortel Dolvik.