Farevarsel for is og snø i sør og vest
Det er sendt ut gult farevarsel for is i delar av Agder og snø i delar av Rogaland og Hordaland
Meteorologane har sendt ut gult farevarsel for delar av Agder.
– Det kan vere lokalt vanskelege køyreforhold. Ver merksam på at isen kan vere vanskeleg å sjå. Bruk rett dekk og køyr etter forholda, skriv Meteorologene.
Artikkelen held fram under annonsen.
Det er venta mykje snø eller regn fredag og laurdag, lokalt kan det komme 50 cm snø på 24 timar. Det er også venta mildare luft som kan gi frysande regn i ytre strøk fredag. Laurdag aukar sjansen for regn på kysten.
På grunn av kraftige snøbyer er det sendt ut gult farevarsel for snø i delar av Rogaland og Hordaland.
– Vern sårbare installasjonar og gjenstandar som ikkje toler den venta snømengda. Berekn noko ekstra tid til transport og køyring, skriv Meteorologene.
Nedbøren kan komme som sluddbyer på kysten frå fredag formiddag.
(©NPK)
