Ber kundar testa seg
Kvam herad har fått melding om eit smittetilfelle ved butikken Tom & Jerry Zoo i Øystese.
Det melder heradet i ei pressemelding torsdag føremiddag.
Det er ein tilsett som har fått påvist covid-19. Den tilsette var på jobb måndag denne veka.
Artikkelen held fram under annonsen.
På bakgrunn av storleiken til butikklokalet og at kundar gjerne oppheld seg der over tid, oppmodar heradet om at alle som var innom måndag, tek kontakt med heimkommunen for å avtala time for test.
Den smitta har ikkje hatt symptom. Vedkomande vart testa som nærkontakt til ein person med påvist smitte.
