Eit sju år gamalt barn på sykkel vart påkøyrt av ein bil i eit gangfelt mellom Straumen og Esso-stasjonen i Norheimsund på ettermiddagen torsdag 17. juli. Ulukka hende litt før klokka 16. Bilføraren var då framleis på staden, melde Vest politidistrikt i Politiloggen.
Ulukka hende i låg fart, og barnet var uskadd, ifylgje ei oppdatering frå politiet. Politioverbetjent Anne-Siri Tysseland i Kvam, Samnanger og Tysnes politistasjonsdistrikt opplyser til HF at barnet sykla ut i gangfeltet. Det inneber at bilføraren ikkje hadde vikeplikt. Det vert inga politisak av hendinga.
Annonse
Ambulansetenesta kom raskt til staden. Også politiet rykte ut.
