Avisa Hordaland får ny redaktør

Øystein Silde Frønsdal tek over som ny ansvarleg redaktør og dagleg leiar i avisa Hordaland på Voss. 29-åringen tiltrer stillinga i midten av august.

Frønsdal kjem frå avisa Firda, der han har vore konstituert i tilsvarande rolle sidan mars, melder Amedia i ei pressemelding.

– Å forlate Firda og Førde er ikkje noko eg gjer med lett hjarte, men det ville vorte for dumt å late denne moglegheita passere. Eg er heilt sikker på at dette er ein god match, og eg gler meg veldig til å ta fatt på jobben, seier Frønsdal.

Styreleiar Svein Atle Huus seier Frønsdal har vist seg som ein tydeleg, digitalt sterk og omstillingsdyktig leiar med stor læringsvilje og eit sterkt redaksjonelt engasjement.

(©NPK)