Åtvarar mot trimma mopedar
Det er vår, og med våren vert det gjerne meir grisekøyring på vegane, seier politioverbetjent Andor Helgheim i Kvam, Fusa og Tysnes lensmannsdistrikt. Han fortel at politiet har fått fleire meldingar om stygg køyring både på to og fire hjul.
Fleire av råkøyrarane er unge mopedførarar.
– Farten tyder på at fleire av mopedane er trimma. Dette er både ulovleg og farleg. Eg vil oppmoda foreldre om å sjekka mopedane til unge under 18 år og ta ein prat med dei om korleis dei skal køyra, seier Helgheim.