304 nye koronasmitta registrert siste døgn

Det var ved midnatt registrert 20.634 koronasmitta personar her i landet, viser førebelse tal. Det er ein auke på 304 melde tilfelle siste døgn.

Dei siste to dagane er auken på 573 melde tilfelle, ifølgje tala frå det nasjonale meldesystemet for smittsame sjukdommar (MSIS).

I gjennomsnitt tek det eitt til to døgn frå eit prøvesvar er klart til det blir registrert i MSIS. Tala kan dermed gi eit misvisande bilete av smittesituasjonen dei siste dagane, sidan det ikkje kjem fram når prøva er teken – berre når den er registrert.

Søndag var det 63 personar innlagde med covid-19 på sjukehus her i landet. Dette talet blir ikkje oppdatert før måndag ettermiddag. Så langt er det registrert 282 koronadødsfall i Noreg.

(©NPK)