Bluesrock på Naboen

Fredag kveld vert det mogeleg å svi av litt ribbefeitt når Naboen pub byr på Blues By Accident, eit bluesrock-band i tre delar, skriv bassist Endre Helgheim.

I tillegg til han er Thomas Gjelseng, ein «vaskeekte sølvgut frå Ålvik», med på song og trommer, og André Banay, ein «trehoggar frå Øystese», som vokalist og gitarist.

Arrangørane lovar god stemning, god musikk og ikkje ein einaste julesong.

– Det kjem ikkje betre bluesrock-band til Naboen i år, lovar arrangøren i ei melding til HF.